រដ្ឋលេខាធិការក្រសួងការបរទេស
និងជាអនុប្រធានគណៈកម្មការចម្រុះព្រំដែនកម្ពុជា លោក ឡុង វិសាលោ
បានបញ្ជាក់ថា ក្នុងកិច្ចប្រជុំចង្អៀតលើបញ្ហាព្រំដែននេះ
ក្រុមការងារកិច្ចការព្រំដែនកម្ពុជា
បានស្នើឲ្យភាគីវៀតណាមផ្អាកគម្រោងសាងសង់សំណង់ប៉ុស្តិ៍ អគារ
និងផ្លូវតាមព្រំដែន ដើម្បីរង់ចាំដំណោះស្រាយជាមុនសិន ។ លោកថា
ប្រសិនបើវៀតណាមមិនព្រមផ្អាកការសាងសង់នោះទេ
កម្ពុជានឹងរុះរើសំណង់អាគារតាមព្រំដែននេះចោលតែម្ដង។
ថ្លែងចំពោះមុខកាសែតក្រោយបញ្ចប់កិច្ចប្រជុំចង្អៀតព្រឹកនេះ
អនុប្រធានគណៈកម្មការចម្រុះព្រំដែនរូបនេះ បានបញ្ជាក់យ៉ាងខ្លីដូច្នេះថា៖«ខ្ញុំបានតវ៉ាបើសិនជាហ៊ានធ្វើ (សាងសង)
ខ្ញុំឲ្យរុះចេញ»។
ជាការឆ្លើយតបភាគីវៀតណាមទទួលយកសំណើររបស់កម្ពុជា
ដែលស្នើឲ្យផ្អាកការសាងសង់នៅតាមការដ្ឋាននានា តាមខ្សែបន្ទាត់ព្រំដែននេះ
សុំយកទៅពិភាក្សាជាមួយក្រសួងពាក់ព័ន្ធរបស់វៀតណាមជាមុនសិន។នេះបើតាមលោក
ឡុង វិសាលោ។
ប្រធានគណៈកម្មាធិការកិច្ចការព្រំដែនកម្ពុជាលោក វ៉ា គីមហុង
ទទួលស្គាល់ថា កិច្ចប្រជុំចង្អៀតលើបញ្ហាព្រំដែននេះ
ភាគីទាំងពីរនៅមានភាពចម្រូងចម្រាសគ្នា
ដែលមិនទាន់អាចរកដំណោះស្រាយសមស្របនោះឡើយ ។
បើទោះមិនទាន់រកដំណោះស្រាយត្រឹមត្រូវក្ដី តែលោក វ៉ា គីមហុង អះអាងថា
កម្ពុជាមិនមែនជា«កញ្ជះ»របស់ប្រទេសណាមួយ
ដែលត្រូវទុកឲ្យគេរំលោភបំពានបូរណភាពទឹកដី បានស្រេចតែចិត្តនោះទេ។
ក្រៅពីស្នើឲ្យវៀតណាមបញ្ឈប់សកម្មភាពសាងសង់តាមបន្ទាត់ព្រំដែននេះ កម្ពុជានិងវៀតណាម
ក៏បានប្រជុំត្រួតពិនិត្យលើឯកសារស្នើសុំជំនួយបច្ចេកទេសពីប្រទេសបារាំង
ដើម្បីដោះស្រាយលើចំណុចខ្វែងគំនិតគ្នា នៃបញ្ហាព្រំដែនប្រទេសទាំងពីរ។
ប៉ុន្តែចំណុចមួយចំនួនលើឯកសារស្នើសុំអន្តរាគមន៍ពីបារាំងនេះ
ភាគីទាំងពីរក៏មិនទាន់ឯកភាពគ្នាទាំងស្រុងនោះដែរ
ដោយសារកម្ពុជាចង់ស្នើសុំឲ្យបារាំងជួយអន្តរាគមន៍ចំនួន២ចំណុចប៉ុណ្ណោះ
ខណៈខាងភាគីវៀតណាមចង់ឲ្យស្នើសុំ៧ចំណុច។ នេះបើតាមលោក វ៉ា គីមហុង
ដែលមិនទាន់អាចបញ្ជាក់ពីចំណុចក្នុងខ្លឹមសារទាំងនោះបាននៅឡើយទេ។
គួរបញ្ជាក់ថា កម្ពុជា-វៀតណាម បានព្រមព្រៀងគ្នាបោះបង្គោលព្រំដែន
កាលពីឆ្នាំ២០០៦មក
ក្នុងបណ្តោយព្រំដែនរវាងប្រទេសទាំងពីរប្រវែង១២៧០គីឡូម៉ែត្រ
ដោយកំណត់បោះបង្គោលព្រំដែនចំនួន៣៧៥បង្គោល។
បើតាមរបាយការណ៍គណៈកម្មាធិការព្រំដែនកម្ពុជា កាលឆ្នាំ២០១៥ កម្ពុជា-វៀតណាម
បានបោះបង្គោលព្រំដែនបានចំនួន៨៣ភាគរយ
ពោលគឺបញ្ហាព្រំដែនរវាងប្រទេសទាំងពីរ នៅសល់១៧ភាគរយទៀតប៉ុណ្ណោះ៕
เมื่อ
๒๙ ส.ค.๕๙ นายวา กึมฮง ประธานคณะกรรมาธิการกิจการชายแดนกัมพูชา
เป็นประธานการประชุมคณะกรรมการร่วมปักปันเขตแดนกัมพูชา-เวียดนาม ณ ราชธานีพนมเปญ
เพื่อแก้ปัญหาเกี่ยวกับเขตแดนของทั้ง ๒ ประเทศ
โดยในที่ประชุมได้นำเอกสารด้านเทคนิคของประเทศฝรั่งเศสมาพิจารณาและตรวจสอบ เพื่อแก้ปัญหาส่วนที่ขัดแย้งและปัญหาพรมแดนของทั้ง
๒ ประเทศ แต่มีส่วนหนึ่งในเอกสารที่ได้รับความสนับสนุนจากฝรั่งเศสที่ทั้ง ๒
ฝ่ายยังไม่เห็นชอบ โดยกัมพูชาเสนอให้ฝรั่งเศสสนับสนุนเพียง ๒ จุดเท่านั้น ขณะที่เวียดนามเสนอขอไป
๗ จุด อย่างไรก็ตามก็ยังไม่ได้บทสรุปจากข้อมูลดังกล่าว มีเพียงว่ากัมพูชา-เวียดนาม
มีข้อตกลงร่วม MOU ๒๐๐๖ ตามแนวชายแดนกัมพูชา- เวียดนาม
ระยะทางประมาณ ๑,๒๗๐ กม. ซึ่งกำหนดให้ปักหลักเขตแดนจำนวน ๓๗๕ หลัก
อ้างตามรายงานของคณะกรรมการปักปันเขตแดนกัมพูชา เมื่อปี ๒๐๑๕ กัมพูชา-เวียดนาม
ได้ปักหลักเขตแดนไปแล้วเพียง ๘๓ %
